0 KA VA CHE CHHE TAK EM!!!! By Solomon Tawnga Smf

Min hlutdersaktute min ngenna angin doc ah ka rawn dah leh a, chhiarkim theih loh a awm avangin a vaiin ka rawn tharthawh leh a ni e. Hei le, ka hringnun maksak chu :-

Class V ka zirlai hian tum khat kan break zo chu class-ah ka lut nghal mai a, ka zun chhuak lutuk chu ka va chhuak leh a, ka va zung ta huau2 a, ka let leh chu chak zetin ka tlanphei a, class room chhuat leh pawnlam lei chu a inrual chiah avangin naupang harhvang tak tan chuan han zuanluh rawk pawh a lo awl bawk a ni. Tukverh chu blackboard awmna lampanga inhawng ania, ka han zuanglut chiah chu Sir nen kan inmelh ta ran mai, thurawn pek hran ka ngai lo, rang lutuk in kan zuangchhuak leh nghal anih kha. Kawngka atang may i come in sir la ti dut2.

Pheikhawk thar nen-a lenchhuah chu a lo nuam viau a ni ang e. FUBU var nalh tawk lian lam deuh bun chungin nikhat chu ka lengchhuak a, kaldan pawh confi khawp mai. Cave kawt-a footpath-a ka kal phei chu tum lawk awm lovin ka inpal phei ta nak mai!!! Ka pheikhawk chu hmalamah a thlawkphei ta vuah2 mai si....khawngkhawbai phei auh2 chunga ka va chhar tur ka kun chu ka mawza pawp kar atang kezungpui a lo lawr tut chu niin, tuman min hmu lo hlauh e tih paha SBI luhna tur chhaklam tlakdal ka'n hawichho chu an lo khi thraw hlawm chu niin....ka pheikhawk thar chuan ka vawm trep a ni.

Class X ka zirlaiin kan science teacher hi kan ngam ve hrim2 a, tum khat chu a class lak dawnah ka lo chang a, BARAKHAIH ngei tumin........office kawtah a lo chhuak lai ka hmuh avang chuan ennawn tawh lem lovin pen ri lo ri chho trak2 chu ka lo chang ta ran mai le.....a rawn thleng ta!!!!! ka'n barakhaih thut mai chu....principal nen kan au rual thrawt mai mawle....

Lottery ticket kan cut ve alawm mawle.....ka cousin nen.....school kan kal te chu a vawr ni a ni tawh bawk a, man inring lem lo mahila kan sawi phur tial2 a, man tura inngaihna thlarau sual chuan min bawhbuai ta....class banah vanapa hall kawtah cheng 2 chauh neiin kan kalphei....kan la man lo zui..beidawng tawkin kan let leh a, treasury-a bus-a kan chuang chu khatla a pan dawn emaw tih nak alaiin, a kawi nghet a, venghlui lamah a tlanthla ta daih mai........rang lutuk in kan zuangthla nghal...ka zuangthla hmasa a, speed a laklawh tawh si....ka tlanthla zawt2 a...hmeichhe naupang ka'n bawhthal thruai mai chu a tap nasa teh asin.....chutah ka cousin a rawn zuangthla veleh....a back zawngin a rawn hmakal char2 a, mi chawhmeh dawr a bawh darh ta chuaih mai.....nuih nghek2 pahin ka kaitho a, a inthiamlo ve deuh a ni mahna....a cheng 2 thir hum thlan dap chu chawhmeh neitu hnenah chuan 'KHA' tih pahin a han theh phei pawp a, kan tlanhaw nghal nal2......

bus sawi takah chuan...stand ah ka nang hman lo ciah2 a, traffic jam tho bawk a, ka kalphei a, ka thleng trep tih ah a tlan leh ta mai si.,.ka um a, a hmalama hero tawka zuanluh ka tum chu a chak twh angreng sia, a kawngkhar ka rahthelh a, a ke vir laiah ka rap sual nawk2 lai hmel chu ka pe chhe ve hle ni tur a ni...min hmu apiang an nui

bon lo dang.....ka thianpa nu damlo in entir tur bawngkawna doctor saw a thiam lutuk an tia, hming ziah tur a rush thei lutuk an tih avangin zanrei lamah kan va kal a, chhungte awm hnai hek lo...kan va tlaivar chilh alawm mawle.....a awmna lai tak kan hre si lova...traffic point piah zawk kan thleng phei chu police te chuan min ringhlel deuh nge ni...kan tih tum min zawt a, kan sawi mai a chutah kan han zawt nghal ringawt a.....let leh ula, sawlai highmass(a spelling pawh tun thlengin ka la chiang chuang lo) opposite ah khan in hmu mai ang min tia.....highmass dawr kan han zawng tak2 mai anih kha...mahse doctor thutna zawk chu kan hmu hmasa ta a, vawt tia kawta kan thut khur bauh2 lai chuan kawnga kal zurui chuan....thirban sang zet en chhoh vung2 pahin highmass chu a eng kim lo anih khi a han ti mai chu...kan innuih nasa teh e

facebook khawvel pawh ka la hriat hma a ni..a kum chu sawi lo mai ang...number atang min rawn bawl ngei alawm le..sms pack ngah bawk sia..kan in text tak2 mai ah...a tukah inhmuh a duh nghal...text vekin kan inbe bawk sia....chuan le...ka va hmu ta...a pian nalhzia leh sam sei nalhzia chu......mahse....mahse....englo....ih...ih....mipa alo niaaaaaaa

Engatinge maw bus chuan sual hi ka hrat em2 mai le...khami ni kha chu zirtea vang phiangsen a ni...stand ka han thlengchho peih silo...zirtean saw laia bus-ah sawn chuang mai rawh atia, ka um ngar2 a, hnunglam kawngkharah ka zuanglut mawi ngang mai...jackie chan pawh a aia mawiin a zuang lut bikin ka ring lo...hnunglam ngheng ar2 pahin ka ding a, tlarhnung bera school naupang thu tlar thram chuan min en hrak2 a, zuanglut nalh min ti viau anih dawn hi tia dawr ka hawn huna ka hnaawm sa ka siamdan turte ka han suangtuah lai chuan tennis court-ah a ding ta tlat lo..a tlan zel a, temple a kawithla takngial dawn..engatinge ka chuang sual em ni? tia ka han zawh chuan.,.ka pu hei chu hire a nia..kan picnic dawn a an tih rual2 chuan a hma aia a let tam taka mawi lovin ka zuangthla pai trak2 mai mawle

hmanni deuh khan mamit district khaw pakhatah kan kal a, a khua ala thingtlang deuh nge ni? kan thlen zan atang chuan a zaikhawm ang zawngin a khawtlangin min rawn rim ta anih chu...kumthar vuakvet a ni bawk a, ka dem hran lo...mahse kan thlenin chu zaikhawmnan hundangah an hmang ngai lem lo...an khaw tlangval senior ber mai chu kan nula hruaite avang nge mawni nalh zet2 hian suit nen, bowtie nen...a zan azanin a rawn thawk ta thin a, a kuhfeng kha chu thuhran, ft5 pawh ala tling lo zui.kan nula hruaite chu a khuangputna atang chuan a rawn fiam deuhreng zel a..haw dawn zanah meuh chuan thian pawh kan nei ve ta..keia insum thei ngang lo chuan khuangpu chu ka han comment hlak pek a, ka bula thu nula(lo chhiar hmaih mai teh aw, a rukin i en ve tih ka hre vek:)) ka han be chhunzawm chu a ngawi ta hmak mai....kan ban veleh chuan khuangpu bulah chuan "Ka pute haw ang" a han ti mai chuh.....awi3...hnar chu hnar chu.......

tum khat chu a remchang bawk a, tawng nuam tawk velin ka lem sak a, mi tihdan takah sil reh nan..hehe...thalai zan inkhawm ka kaihhruai a lo ni si...ka reh hleithei silo...midang pek ka han tum thin...tuman min pawmsak silo...kut kan bentir tak2 mai ah...thalai inkhawm awm tawh zawng2 ah ala hot ber e an tia lawm..thusawitu sawithat lai deuhin amen lo pek aiah kut lo bensak ang u ka ti zel sia...khua avar lo mep2 thin khawp mai

kg-1 kan nihin class ah ka zun a chhuak ltk a, sir bulah ka tlanphei a, "a pu ka zung thei ngem?" ka tia...."aw zung rawh" a tia...a bulah kekawr dawr pawh hawng lovin ka zung nghek mai sin le

COMMENTS KA NUIHPUI NASAT EM2 TE

Kim Nana Colney : R.Lalhmangaiha mizo idol a thih tlai ania. . . ka pa thianpa patling kha ka bul ah a thu a. . tv kan en a, anlo puang a. .ka mak ti lutuk chuan long chair atang ka namthla ringawt. .ka hre chhuak thut a. .ka zak lutuk ka trap der tawp. . ..hahah

Isaak Kima : keipawh vawikhat Govt. Complex-a kal tur bus-ah ka chuang ve a, a hnung ber tlema sang deuh bika a lai takah chuan ka thu a, kawng chhuk deuha a tlan thlak par par lai chuan motor dang nen an intawk thut chu a ding chawt maia, ka bula thute angin vawn tur ka lo nei mai si lova, tumah ding awm hek lo, bus chanve thleng rawkin kan tlan thla mai chuh.... ka thutna pana ka let chho chu hmai a uang duhlo khawp mai, tuman min nuih ngam lo...

Shogun Ramjate Fanai : ka lo belh ve ang aw ka tawn..Vawi khat chu ka thianpa pi tar tawh lampang hian vawkchaw a chhum a, a vawkchaw chhumna chhakah hian ka thu a, in ban phak reng kan ni a..A thing duh khan ka hnung a thing kha han la teh a tia..Kei lah chuan ka lo hre thei mai si lo ani lah chuan a rawn ban rawn ban toh si..ka hre thiamlo lutuk a, ka chibai tawp a, a tho nulh a, k hnunga thing chu a rawn la k zak ve reng. haha

BONUS : (A post tu chu ka sawi lo mai ang...ka nuihpui nasat em avangin ka dil lem lova, ka post sak tho2 dawn)

..zan khat pawh hritlang chung2in chhaste ka rim ve a...rim fuh loh zan ber a ni ta ve ang...ka hritlang nasa bawk sia..ka in hnit feih2 reng a..hnit ring ngam bawk si lo..haw mai ka tum a...chhaste chuan min rawn thlah a..kal tep tawh tih ah...kan in.*muah ve ngei a...kan in fawh lai tak chuan ka hnap a rawn dawk dawn tlat in ka hria a..ka hnit vak a...duh aiin ka hnit na aniang..a ri ta hlawrh2 a...kan nui tet2 a..kan in fawh chhunzawm thei ta lo a...nuih ka'n tum chu hnap a rawn puar pep2 mai le. .nuih apiang khan rawn puar zel maisi...nuihza bawk si...ka romol ka la vat a..ka khuh ta deih a...pawn kawtlai ah..thu sawp ti tih in..rei fe kan nui dun tlawk2 phahhh...mahse k zak miah lo..haga

Detail: KA VA CHE CHHE TAK EM!!!! By Solomon Tawnga Smf

0 KHUA HMUNLOH DI NEIH ZAWNG By Eddie Lalawmpuia

Thrallai a ni a, Kolkata khawpui pawh boruak a thiang nuamin khawlum lutuk pawh a zia khawp mai. Howrah train station lam pan chuan taxi in ka tlan phei vauh vauh mai a. Rangkachak khur awmna a ruka hria ni awm tak chuan train station lam chu phur tak mai hian ka pan ding vang vang mai a. Ka helhhawlh nge ni kan in atranga staion inkar chu reilote chhungin ka va thleng ta a. He Howrah train station ngeiah hian alawm khawvela ka hmangaih ber leh ka duat em em chuan kan khua (Kolkata) lei lung a rawn rah dawn avanga ka phur em em nachhan chu. Tichuan train arrival chu dar 3:00pm a ni a. Dar 2:30pm velah ka va thleng a, waiting seat ah chuan ka va thru ta ran mai a. Sana chu a kal muang duh ngei, mai dar 2:30 leh dar 3:00 inkar hian vawi 15 vel chu ka sana bunlai Timex hlui tawh tak hi ka en hman hial a ni. Tichuan dar 3:00 a rik hnu pawh chuan a chuanna train hming reng reng chu a la rawn lang si lo. Enquiry lama ka va en lahin Howrah Mail tih train hming reng reng ka hmu bawk si lo. Call kan tum thin a, not reachable a ti zel bawk si a.

Tichuan train an delay hnu ah chuan ka mobile ami hlate chu kan ngaithla vel a. Nizan lama ka menrei deuh avangin hla ngaithla chung chuan kan muthlu leh ang lawp lawp bawk a. Rei vaklo hnu a kan thrangharh leh hnu chuan dar 4:00pm a lo ri der tawh mai a. Train lah a la rawn thleng bawk si lo, ka ril a tram deuh avang chuan pawnah eng eng emaw ka va ei leh hnuhnawh a. Chutia thil ka ei lai tak chuan ka mobile chu a rawn ri ta  ral ral mai a. Kan pickup chuan “ Khawiah nge I awm”, hi a rawn tita a. Ka thil ei lai pawh chu ei chhunzawm tange pawh ti chuanglo chuan ka paih ta nal nal a. Platform no. 22 lam pan chuan ka tlan phei ta vang vang a. Kan zawn kan zawn hnu chuan a rawn lang veta hlawl mai a. Hun rei tak chhung kan inhmuh tawh loh avangin ka lawm em em mai a. Ral atranga a hmel ka hmuh rikngawt pawh chuan ka taksa chau takte pawh chu a chhawk dam sawng sawng hian ka hria.

Howrah train staion atrang chuan kan in lam chu pre paid taxi chuan kan pan phei ta a. Chutia hun reitak chhung kan inhmuh tawh loh hnu a kan han thrudun leh ta mai chu mumang ram lama thil tawnte pawh a ang duh angreng khawp mai. Tichuan kan inah chuan hun reilote chhung a rawn khawsa ve a., hlim taka awmdun chhungte nuam ti hle mah ila, hlim nite hi a van reilo thin tak em. Khatia a lo cham hun chhung zawngte kha mumang ang lekah a chang zo leh ta si a.

Tichuan a truanna mualah chuan liam zai a rel leh ta a. Hmeichhia amah chauhva rel a chuang leh tur chu ka ngaih a ngam thei thlawt loh avangin a awmna hmun thleng chu thlah turin ka in puahchah veta a. Train ticket-te kan han lak fel hnuah Shalimar train station atrang chuan kan thrianpa chuan min vai liam ta a. Kan train chuanna Shalimar Express hi amuang  em em mai khawpa. Zanlai dar 12:00 vel atrang chuan Kharagpur train station ah chuan zing dar 6:00 theng kan han ding ta tehreng a.  A hreawm duh khawp mai a vawt angreng bawk si a. Atuk nileng chuan kan tlan ve leh ta boh bohva  Kan train chu dar 6:00pm vela Wardha thleng tur anga kan beisei a ni a. Kan tum dan phei chuan ka thiannu pawh chu hostelah a lut hman chiahchiah turah kan beisei a. Mahse kan train tlan muang lutuk chuan kan beiseina leh ruahmanna zawng zawngte a ti sukuk zo ta vek mai ani.

Dar 6:00pm  thleng tur chu dar 10:00pm ah kan thleng ta heu mai a. Rilru a mangawng duh hle mai. Ka return ticket tur lah chu la print loh ani bawk si a. Kan thlen veleh hmanhmawh baklengin station atrang chuan cyber café lam panin kan tlan tan ngat ngat a. Cyber café awmna hmun kan va thlen chuan a lo inkhar reng tawh mai bawk si a. An hostel lamah kir leh dawnin gate dar 7:30pm ah an closed bawk si a. Tichuan engpawhnise chaw ei phawt ang tiin dawr pakhatah chuan an neih ningnawi tete ang chu kan han ei ta a. Ril a tram tawh bawka kan chawhmeh fahrah hle mahse ka ei hnem ngei mai.

Chutia chawte kan han eifel hnuah chuan Dar 11:00pm lai a lo ri der tawh mai a. Wardha train station chhungah chuan khawvar nghak tur chuan kan han thru veta ringawt mai a. A hma zan lama lo mut thrat loh nen tlaivar chu ka huphurh angreng khawp mai a. Ka thriannu chu a chau  deuh bawka thutthlengah chuan a mu bam mai a. Ka han en thina, mutmu tuahrem na tha pawh awm lova rem leh rem lova thrutthlenga an mu bam mai chu ka lainat angreng khawp mai a. Mahse tlaivar chu huphurh hle mah ila tlangval hriseltha zekzawk han nih chuan ka han tlingtla ve leh mai a. Train station bul vela thingpuite kan han inharh hnu chuan ka thiannu chu an hostel lam pan tur chuan a insiam ta a. An hostel lama ava in tih fel fai hnuah min thlah leh turin kan inchah leh bawk a.

Tichuan keimahte chuan train station ah chuan ka tei rak rak mai a. Dar 8am vela a lo let leh tur chu nghakhlel tak chuan ka tei kual ka tei kual a. Ka ticket lah waiting list ah ala awm bawk si. Print chhuahloh a la ni zui.Buaina hlirin min zem kual vel bawk nen. Chutia ka inngaihtuah ka in ngaihtuah lai chuan ka thrinnu pawh a rawn lang ve leh ta hlawl mai a. He mi truma a hmel ka hmuh tluk zeta ka lawm zia leh nidanga ama hmel ka hmuh tawh zawng zawngte khaikhin chuan hemi truma ahmel chu a la duhawm ber mai awm e.

A sei lutuk loh nan short cut zung zung tawh mai ila. Ka train chu dar 11:00am a chhuak tur a ni a. Reilo te chhungin a rawn thleng veta mai a. Hreh tak leh huphurh tak chuan kan inkalsan a ngai leh dawn ta si a, tlangval pumpa e tilo chuan han trah vak mai chu a chakawm duh hle mai a ni. Amaherawh chu thil tih chi lah ni hek suh. A ni pawh a hmel ka en khan a lung a chhia tih chu hai ruallohin a hmuh theih a. Tichuan inmangtha leh vang vang tur chuan kn inkalsan leh dawn ta chu a ni a. Trainah chuan ka lawn ta a. A kal ta ruai ruai mai a. Rel tut ri ruah ruah nen lungchhe tak chuang chuan Wardha train station ah chuan kan inthlah liam ta a. Vawiin ni thleng hian a hmel mawi tak leh nui mawi tak mai te chu ka hmu leh ta lo chu a ni si a.

Ka train chuanna ah chuan seat la neilo tih takah chuan a awl awl ah chuan kan thru veta tawp tawp mai a. Nagpur kan thlen chuan seat awl pakhatah chuan ka insawn ve leh a. Reilo te hnuah chuan chhungkaw pakhat an fate nopang te te pahnih nen hian ka bulah hian an rawn thru ve a. Ka thrutna chu an mahni chhungkaw seat chu a lo ni reng mai a. An fate chu English hian an inbe zet zet reng mai a. An seat a awm ve reng ka duh avang chuan advantage a lain kan be nel chho vela. An fate nen chuan hlim takin games te kan khel vela, amaherawh chu dar 11:00pm vel chuan an chhukna tur ah chuan an chhuk ta a. Rei tak chu an bulah chuan ka thrut ve theih phah ta a. A lawm awm hle a nj. Tichuan an chhuk veleh chuan an seat ah chuan ka mu ta nghal a. Amaherawhchu darkar khat vel zenzawn ka mut hnu chuan  TTE chuan min rawn kaithova “heihi I seat a nilo”  a rawn ti ta a. Keilah ticket mumal nei bawk silo chu rel chhungah chuan mutna tur zawng chuan k tei ka tei ta mai a. Lung a leng bawk nen a va han hreawm duh tak em. Mahni chauh chuan toilet bulah te chuan ka tei rak raka. Achang leh mi mutna ah te chuan arukin ka va thru ve thul. Hmangaihna kawng hi chu a lo van chhukchho tak em …… A hma zanah ka lo tlaivar tawh bawk nen ka taksa a chau bawk si. Chutah ka lungleng lutuk chuan min tichau tel bawk nen. Chutia hreawm ti taka ka tei ka tei hnuah chuan zing lam dr 3:00 velah hian chhungkaw pakhat hi (Eng train station nge pawh ka hre tawh lo)  an chhukthla ta a. Rang zet mai chuan an mutna ruakah chuan ka mu veta a. Min rawn hau leh anih pawhin pawisak nei lek tawh lovin seat awl ah chuan ka mu leh ta hmiah mai a. Kan han thrang harh leh meuh chuan dar 10:00 a lo ri der tawh mai a. Harh pawh harh eih lo chuan ka lo muhil a lo ni a. Ka ngaihthalo chuan ka bag leh wallet-te kan check vat a, a lo la kim thlap a ka lawm khawp mai. Tichuan nileng chuan chu seat ah chuahn inti senior leh  thu tak chuan ka thru ta vah mai a… Nilengin kan han tlan leh ta ngat ngat a. Hun hi a van rei duh vawng vawng tak em. Ka Duat khan enge a tih ve ang aw…? Tihte ngaihtuah reuh reuh chuang chuan ka thrutna ah chuan ka rilrute chu ka kawm a. Mobile ah lah signal a la awm bawk si lo. Kolkata thlen thuai thuai chu ka chak tawh kawp mai.

Tichuan nilenga lungleng tak leh khawhar taka kan thrut leh hnu chuan tlailam 3:00 ah Kolkata chu kan lut veta a. Vairam mah nise mahni chenna nge nge han thlen chuan thla a muang huai maia,  in thlen vat vat ka chak tawh hle mai. Train station ka thlen veleh pre paid taxi ka la a kan in lam chu ka pan ta vang vang a. Khua hmun lo D neih zawng a  lo van hreawm bik tak em, Karmah hla se damtakin aw tiin kan inthlahliam a lo ngai leh thin si a.

“KAR HLA DI ZUNA UAI CHU

TUAR THIAM A HAR NGEI KA TAN

DAR ANG TAWN LEH NI NGHAKIN

ZAN MU RENG KA CHHING THEI LO”       

Detail: KHUA HMUNLOH DI NEIH ZAWNG By Eddie Lalawmpuia

2 GANGS AROUND THE WORLD by Saihminga Sailo

Khawvel hmun hran hran ah hian gang tam tak an awm a, chanchin bon tak tak pawh an nei hlawm a. Tunah hi chuan ram pali a an gang ṭhenkhat leh bon zual deuh te chanchin chauh kan sawi dawn a ani. Hei hi hman deuh khan a hran thliah thliah in ka post tawh a, tunah hian a hlawm in ka rawn post ve leh mai mai ani e. Ngaihnawm kan tih dan azinrin ram dang Gang chanchin in kan chhunzawm leh dawn nia.


BRAZIL
Brazil-ah khuan street gang hi pawl tam tak an awm a, mahse tunah chuan Rio de Janerio bik kan thlur dawn ani. Rio de Janerio a gang pawl lian zual pathum te chu Comando Vermelho, Terceiro Comando leh Amigos dos Amigos te an ni a, heng ho hi an huangtau in an hnawksak em em a, buaina pawh an chawkchhuak nasa em em a. Rio de Janerio bul tlang pang panper velah khuan mirethei awmkhawmna (favela or slums) hmun hran hran a awm ṭeuh mai a, chungah chuan gang ho hi an in zar pharh vek a, awmhmun (turf) bik te te an nei vek bawk ani.(Tun aṭang chuan heng mirethei veng sawi nan hian FAVELA hi kan hmang zel tawh ang)

Kum tin mai hi mi 1000- 1500 vel gang member te hi police te nen a an inkah vel na ah an thi ziah bawk a. Heng ṭhalai rual te hi kum 21 an tlin hma in 80% vel chu an thi zel anga chhut ani, reporter pakhat phei chuan 2008 velah khan Iraq aiin nitin mi thi an tam zawk a ti hial a. Gang ho hna pui ber chu cocaine tawlh ruk leh hralh vel ani a, Brazil ah hian cocain hralh chhuah hi khawvelah pahnih na a ni hial ani. Gang leh gang pawh khu an in haw em em a mahse an hmelma pui ber chu police ho an ni. Police ho nen an huat dan chu pui tak ani, police ho in an mi man te hi khawlaiah kah hlum(execute) tawp tawp chang an nei a, tin police ho bawk hian gang member a thu pawl deuh(boss deuh chin) te an kidnap a, an gang te hnenah pawisa ten an khulh chhuah tir leh bawk ṭhin a. Media lampangah hian an in sawi chhe tawn reng a, gang lampang lahin a chhe thei ang berin police ho an puh ve bawk a, an corrupt nasat zia te, pawi sawi lo an thah hnem zia te, pawisa an duh zia te etc .. an sawi ṭhin bawk a.

Tin, sawi tawh ang khan gang ho hi an in haw em em mai bawk a, Comando Vermelho ho hi ahmasa ber an ni a 1979 vel bawr a rawn ding chhuak ṭan an ni a, Amigos dos Amigos te hi chu Comando Vermelho aṭanga peng chhuak an ni a, 1998 ah Comando Vermelho member pakhatin an member zinga mi thah tur order a pek avangin hnawhchhuah ani a, chuta ṭang chuan Amigos dos Amigoste hi an rawn ding ṭan ani. Terceiro Comando te hi 1990 rawn ding chhuak an ni ve thung a. Heng gang pathum te hi an in haw em em mai a, an in do(in kap) deuh reng bawk a. Mahse an mahni chuan thil sual ti em em ah an in ngai chuang lo. Favela an awm na hmun vel (turf) ami te Police leh gang dang laka venghim tu sipaiah an in ngai .Favela khawlai anmah ni turf velah silai kengin an duty reng a, an drugs hralh tu te venhim pah in an vei kual ve reng bawk a, police rawn kal chuan an in signal zung zung a, awmhmun rem takin a lo khuar hman ṭhin bawk a. Tin, tlang pangper a awm an ni a, chung lamah an ṭan avang in police ho tan pawh hian beih an har phah ve em em a.

Member reng reng an mahni gang tana rinawm loh leh police hnena information lo pe an hriat reng reng chu an ban an tan sak phawt a, an ke te an tan sak leh a, a tawpah an lu an tan sak bawk ṭhin a. Tin, gang member te hi kum 14 aṭanga kum 21 vel an ni tlangpui a, tam tak khu chu an duh em em vang pawh ni bik lovin, duhthlan tur dang an neih loh vang te ani hlawm ani.


NEW ZEALAND
New Zealand hi khawlvelah chuan hmun nuam pawl a an sawi ṭhin ani a. Hmun nuam tak tuipui kam nuam tak, boruak thianghlim leh khawsak hrim hrim pawh nuam tak ani. Mahse New Zealand pawh hi khawvela gang hlauawm ber ber te chenna hmun a ni ve tlat. Heng gang ho hi Wellington an ram capital ah hian tam tak chu an khawsa a. An gang ho hi dan awm lo ang mai in an khawsa a, mi thil an chhuh sak bawk a, tual nasa takin an that bawk ṭhin ani. Gang hi New Zealand ah hian an tam mai a, mahse an zinga lian ber leh hlauawm ber a an sawi chu The Mongrel Mob te hi an ni. Mongrel Mob te hi a sen leh dum in an in thuam tlang pui ani. Black Power gang ho pawh hi an lian khawp mia, Mongrel Mob te hmelma lian ber pakhat an ni.

Hmun dang ang bawkin New Zealand a gang hran hran te hi an in haw ve em em tho mai a. Khawlai a in tih buai thut thut te an ching em em a. Mi in an hmuh leh hmuh loh pawh an pawisa lem lo, khawlaiah te hian mi inring lo lai te hi an vit hlum leh tawp ṭhin. Mongrel Mob te hian Nazi ho sign swastika hi an hel entir nan an pawl chhinchiah nan an hmang a , tin, New Zealand khawpui hran hran ah an in zar pharh a, Mongrel Mob Hastings, Mongrel Mob Porirua and Mongrel Mob Notorious tih te in an in ṭhen darh hlawm ani. Heng zingah hian Porirua an gang bik ah hi chuan gang dang hrim hrim Black Power emaw gang dang hrim hrim in a an awm chilh ve lova, kal pawh an kal chilh ngam bawk lo ani.

Hells Angels ho pawh New Zealand ah hian an awm a, USA a Hells Angles tih loh ah chuan Hells angles hmun hrana ding hmasa ber an ni nghe nghe ani. Black Power ho hi chu Māori hnam leh Pacific Islander ho an ni tlang pui a, an pawl sign ah hian Black Bull lem an hmang a. Māori ho hi hnam huaisen tak an ni a, pasalṭha hnam ang a sawi an ni ṭhin bawk a. Tin, Maori ho hi 2nd world war laia New Zealand a Nazi ho bei tura in pe hmasa ber pawl an ni bawk a, Maori batallion pawh an din nghe nghe ani.

EL SALVADOR
El Salvador gang ho chanchin hi chu ka thrianpa EL Salvador ami hnen atangin ka lo hre ve zauh zauh tawh thin, amah phei chuan an hlauawm zia hi a sawi nasa thei khawp mai a. El Salvador a gang lian ber leh hlauh awm ber chu Mara Salvatrucha an ni a, MS-13 tih a hriat lar an ni. Ms- 13 ho hi El Salvador ah mai nilo, North America leh Central Americal leh Mexico velah pawh an in zar pharh vek a, khawvela gang thang chak ber leh hlauawm ber a hriat an ni. Hmelma lian tak mai an nei a, chung ho chu 8th Street Gang ho an ni. Ms-13 hi a bul rawn tran na tak chu 1980 vel ah khan Los Angeles ah El Salvador mi ho Civil War avanga tlanchhia te tran a ni a, Civil War a tawp hnu ah heng mi te ho hi El Salvador ah an let leh ani.

El Salvador ah hian khawvel hmun dang zawng aiin buaina leh tharum thawhna a thleng nasa a. Gang ho hi an in luling in an hnawksak em em mai a. A ram a tet ngaihtuah hian inthah na hi a thleng nasa em em mai a, nitin hian mi 11 tual thi an awm anga ngaih ani. A ram hi central America ah chuan a te ber a, population erawh a sang ber thung ani. Tunah hian 5,744,000 vel mihring an awm a ngaih ani a, a ram hi Mizoram nen a in tiat vel reng ani.

Ms-13 leh 18th street Gang ho hi an in haw em em mai a, a gang member in thah mai duh tawk lovin, an chhungte zawng zawng nen an in that chimit vek zel mai a. Tin, gang a tu zawk zawk pawh hi an territory chhungah chuan an thu em em mai a, mipui hnenah hian pawisa an khawn reng a, pe duh lo te chu an that hmiah hmiah mai ani. Heng gang te hian an anmahni gang hi chu an hmangaih em em mai a mahse an gang ami nilo hi chu an hmelma en nghal ringawt zel bawk a. An territory chungah lehlampang gang member an hmuh vaih chuan thah ngei an tum bawk thrin ani. Ms-13 gang zawm tur hian 18th Street Gang member thah phawt a ngai a, chu chu Ms-13 ganga member a an in lakluh dan pakhat ani.

JAMAICA

2006 ah chuan Jamaica hi khawvela tualthah tamna ber ani a, darkar 6 danah mi pakhat an thi zel anga chhut ani. Kum 40 chuang zet chu Jamaica a gang ho hian buaina siamin khawlaiah inkahna te an lo thlen thrin tawh ani. Gang member nih tawh chuan damchhung atan a ni tawp mai a. 2008 ah khan kum chanve tlin hma in mi 270 vel tual thi an awm hman nghe nghe a. Jamaica capital Kingston velah heng gang ho hi an khawsa deuh ber a, heng gang ho hi politics vanga in din leh awm an ni. 2009 ah khan police hovin gang member hi mi 290 an kap hlum bawk a. 2009 ah vek hian police ho in mel 5 huam chhung lek ah silai 700 chuang an man bawk ani.

Kingston khaw chhung ah hian gang pawl hi 27 vel an awm a. Jamaica ha hian political party lian deuh deuh pahnih an awm a PNP(people’s National party) te leh JLP(Jamaica labour party) te an ni a. 1962 ah Jamaica chuan British hnen atangin independence an hmu a, chumi hnu a rampum huap angin election an nei a, JLP ho hian hnehna an chang a. Chumi hnu atang chuan an politician te hian gang te din in an party tana thawk turin an vulh lian ta ani. 1962 kum khan mi 800 laiin nuna an chan phah a, nikum khan 1300 vel in nuna an chan bawk ani. Gang ho hi an in haw em em mai a, area bik te te an nei vek bawk a, an in do deuh reng bawk ani. Politics vang in an in ti buai deuh ber a mahse gang war hrim hrim pawh a awm ve bawk .

Detail: GANGS AROUND THE WORLD by Saihminga Sailo

0 “MAPUI, NANG NGEI HI”, KA TI LEHPEK THIN ANG by LaMea CâcTùs FLh

“Kei chu hang lampang”
“Kei chu hnute lian ka duh”
“Kei chu Ngo se, lian bawk se”, ti a thian ho a nupui tur atana kan duhthusam kan sawi lai te kha zamual ang a liam zo ta in , kan thian ho ka han ngaihtuah a, kan duhthusam anglo mai nilo, kan duhthusam loh zawng tak kan nei ta zawk emaw tih tur khawp in, Hmeichhe chi hrang hrang, hmel leh pianphung, mize in anglo tak tak kan han nei ta hlawm a.. Kei ngei pawh ka duhthusam leh nupui atana ka lo suangtuah ang thin “ Ngo, lian tha zeih zawih, hnute bu tha tak” nei lo in, hei kan Nu hi ka nei ta in, Kum 10 dawn kan innei ve ta a, mahse kei zawng ka lo sam thin ang diak diak nilo mahse, Nurse ka duh ka lo tih angin, nurse ka nei ta ngei a, Ka nei fu emaw chu ka hre lo, kei aiin ka chhungte hi zawt ila min chhan theih zawk ka ring..


Nula sang zeih zawih duh thin khan ka han en a, a tum a tawi tarh in, a meng ang hlat a, a pian phu loh in a awka te hi a ring in “ Hmun chu lo phiat mai rawh “ , “Mama te an tlai anga sin mawle, hmanhmawh ta che “ ti awka vin thek throk a, a han tawng tawh hi chuan hmanhmawh takin kan phi leh cheng mai thin.. Office ban huna in thlen veleh a “Mama Pa, I chau em, thingpui kan lum ang che aw” titu tur ka duh ve tawh ti a tlangval laia kanlo ngaihtuah ve thin hunlai te kha ngaihawm ram ram tur khawp a, a in lehlin thawk chang a tam si..


Chau hnep hnawp in Pisa kal haw, In kan han lut a, a ngai te bawk in, Alu kan hmui ram ram in hnar a rawn verh nghakin, cooker ah chaw a lo in phit chur chur a, dawhkan ah anhnah chi hrang hrang lo let rumin, sitting room dawhkan ah a te ber chu Tv en phalloh vanga lungawi lo tih hriat fahran hian nur nung chungin home work alo ti a, a U bedroom lam atanga a chhiar ri lauh lauh pawh chu a hriat theih in, khawnge maw? Tih rilruk lai takin, Nu ber chu vawkchaw pe zo tih hriat takin, vawk rim nam rum rum chunga rawn lutin “ I va haw har ve, ka night dawn a ka hmanhmawh riau ania, zanah mama te hi an homework lo tih chhunzawm pui ang che” an tih chhunzawm nghal parh a, a hnung lam atanginkan en zui a, a tum a tawi tarhin, a nulat lai in tlemin alo chum ta bawk nen, a ni thla hluai mai hian a hriat a. Ti em em hian kan Nu mawng hi alo fualin, alo lian tih pawh ka lo hre ngaihlo..


Ka mit a thalo nge, ka thlir thin hi a thalo zawk, pawnfen feng hluai chung a, inchhunga an kal terh terh te te, an vin khar khar te han hmuh hi chuan ka thlang sual em ni ti hial a mahni inzawh chakawm rum rum khawp in a sakruang leh sakhmel ina min hip loh chang a tam si.. Office lamah nuthlawi tuai thar, mal mum tak tak an tamin, kan tjhawhpui tam tak te tih dan anga Office chhas neiha, Nuthlawi? Nula mal mum tak han khan ar ar a chakawm chang te pawh a awm fo thin.. Chutah, Damloh nikhua a min enkawl thei tu tur ah an tha a, Chuvang in Nupui ah chuan Nurse ngei an tha ti a duhthu kan sam te kha, a teuh lo lutuk !!


Tlaiah, Chaw ei mumal hmanlo khawpa, an Night dawn avanga hmanhmawh tawka chhuah pah a “ Pa-a, thleng kha chu lo sil mai teh, chuan insuk tur ka chiah kha ka hman thlawt lo a, lo su bawk la, chawhmeh thing kha chhung la, vawkchaw tur kha lo chhum mai ang che “ tih pahin an han chhuak a, a Scooty ri a reh hmanlo tih tur khawpa hun reilo te ah, Phone a rawn ri a, Nu-i tih rawn lang chu, enge a a theihnghilh aw ti rilru chungin kan han ‘ Hello’ a, “ mami te naktuk an test dawn a, lo enpui ang che, TV te kha lo en lo la “ te hi a rawn ti ta thin a… An night fo avangin zanah tlangval laia kan nupui neih chak chhan anglo takin, kan CRP mut hi a tam thin si.. An duty avanga an khawngaihthlak thin avangin, zan lamah kan han insum a, an duty awl deuh lai te hi kan nghakhlel theiin, a chang phei hi chuan chhuat nawt a, an han bungbu tauh tauh te hi mit tla lek leka a thlir chang a tam thin in chutah, zan lama kan han che tial tial a, Pa-a nizan atangin ka Period a, an han tih emaw, A te ber kan mutpui avanga zanlaia thawm dim taka fate kan han kan tham tham lai a, “ A Pa khawnge I kal dawn an han ti hi chu” bei a dawng a, Posi a laih chang a tam thin..


Fiamthu in “ Kalo nei ta che chu aw, nang aia tha ka hmuh hnem nen “ ti thin mah ila, chhungril tak chuan ka Di Mapuii ka nei hi chu tisual kala inti ngai lo.. Nupa nuna inhauh nikhua te alo awm a, a tlawm huna a tlawm a,a thiamna pawh nise, a chintawk a hria in, thinrim sosan lai nimahse “ Nu-i, a tawk tawh e”, han tih chuan ngawih a chuhin, Mipa rorel na chin leh a inrawlh na tur awm leh awmlo te a hria in,a tul erawh chuan min hau hreh bik lemlo.. Naupang chu mahni ngei in kan enkawl tur ani, hahphah mah ila, a tih avangin, thawkchhuak ve ve mah ila, awmpui lak a duh lo in, amah ngei pawh in a hah phah in, ka khawngaih avanga awmpui lak ka rawt pawh in “ tun ang lai, khawvel sualna sang zelah fate mi kuta dah a thalo” a tih avangin a hnial tlat a..
Ka Puih a phut ngai lemlo a, mahse puih erawh ka hreh ngailo, ka sawi tak anga Pa berin insuk, chhuat nawh, vawk chaw pek te kan tih chang a tam, mahse kei erawh zawngin thaibawi vang anilo a, chhungkaw tan ani tih ka hriat avangin ka phun ngai lemlo.. Dik tak chuan min phut lemlo, mahse aman a hah phah avanga pui hrehlo ka ni zawk.. Tin, ka chhungte zawng zawng hian an fak in, hmanni ka Pa phaia incheck up tur kan ti, a duhlo pawh, Ka nu in “ Mapui, I pa hi han nawr ve teh “ a rawn tiin, kan Nun an sawi chuan” in thu thu alawm” tiin, an Fapa naupang ber ina ka hruai aiin, Mapuii leh I Nu in min kalpui se a tha ber a han ti phei chu, ka lungawi vaklo in, mahse lungawilohna nuam ani si. A hnathawk hi hah mahse, a tul fet loh chuan ati lang ngailo in , A tan chuan kan fate hi an pawimawh in a hman chuan an lehkha zir te a thutpuiin, a hun takah tawngtai, infiam te kan tihpuiin, Nuber rawtna angin intihhlimna pawh chhungkua in kan nei fo in.. Kan fate pawh, tun thleng hi chuan thu an awi a, school leh Biak in lama, an fak pawl an la ni hi, kan Nu vang ka ti lo thei thinlo.. Pa ber in kan hriatloh lam aniin, a hre zawk thu zawm chang pawh a tam, mahse chhungkaw tan ani si..


Mahse, Kan Nu hi, kei ka ni inti ve thawkhat ina, ka tlangval lai a hmeltha leh nalh ka tih vang leh, “ a sakhmelah dartui a luang bik em ni” ti a, zaleng zawng zinga ka lo chhai leh thlan ve nalh kha a niin, Senhri par iang, ti a hahipa a thatzia ka lo tehkhin ve thin kha ani ve ngat asin.. A tira a sakhmelin min hipin,ka thinlung a ti kang a, ka han belh chian zui hnu phei chuan ka thinlung hi ati tui ralin , “hei ngei hi ani chhungpui nu atana ka duh chu ni” tiin ka nei ta reng a nih kha, tisual kala inti ngailo bawk, chhung puinu nih a tlin in, a tan chuan a Pasal leh a fate hi a khawvel kan ni si..


Nia, chhangchhiat hnu chuan a hma angin min ngaihsak theilo, mahse chu pawh fate vang aniin , mahni Fate thik thu awm silo.. Mihring sakruang hipna leh thatna hi zawng alo reilo si.. Kan Nu hi a chhhia ka ti lo, ka duha ka neih ngei kha ani a, Mahse zepthu cheng lo, a aia tituai nalh an tam a, chung ho aia tituai nalh leh pian mawi te pawh anla rawn chhuak zel dawn a, Mipa ka nih angin ka mit hi chuan hmeltha ala hmu zel dawn, Khawvel dan ani si a.. Office lamah te pawh min nel leh ka laka thil phal tak tak ka tawng fo a, Patling Office chhas nei te pawh ka hmu fo in tunlai phei chu an tam phian lehnghal in , nuthlawi, nula senior lam kawp hi an ching zual a, hei hi a pawi ka ti thin. I rin aiin PATLING NGAIHZAWNG NEI HI AN TAM ANG, a bikin Aizawl ah.. Mahse kei erawh zawngin, ka duh a, ka ngaihzawn a ka neih leh Pathian hma a thu ka tiampui hi ka phatsan dawnlo in, ka hmangaihna pawh a zual telh telh si, kan ingaihzawn laia a hnena ka sawi fo thin angin,
“ Mapui, Nang ngei hi ini “ ka ti lehpek thin ang..

Category: FICTION ( Misual.com a Nov 23.11 a ka post tawh ani e )

Detail: “MAPUI, NANG NGEI HI”, KA TI LEHPEK THIN ANG by LaMea CâcTùs FLh

0 A THLA A HRANG IN TIH KHA KA THIANPA NIH KHA AW by Tma DaKop

KUm 9 mi lek ala ni a, chhia leh tha tak tak pawh thliar hrang thiam thei tur khawp a, rilru
puitling tak pu pawh ala nilo, mahse anute-i (ahming sawilo ila) chuan chu naupang kum 9 mi
lek chu ngaihzawn tak meuh hian angaizawng a, angaizawng tak tak nge a bawl mai mai zawk ni ang,
abawh hian abawh huam huam hi ani ber, khawiah pawh a duhna hmun hmunah apawt kawia, thil thalo tak tak
atih tir thin, a sikul kal turte hi alo changa atlanbo tira nileng leng hian atawmpui thin
tin infawh te leh infawh bak thleng thlengte pawn atih tir ta ve ang.

Hun akal zela tunah chuan chhia leh tha thliar hrang thiam thei tur khawp alo ni ve ta
mahse khawvela ahmangaih ber chu anute-i ani tlat, anute-i hian ani in ahmangaih dan hian hmangaih
ve tak tak maw, nitin mai hian an in hmu ziaha, anute-i chuan a zar hiam hiam a,zahpawh dawnlo lek hian
a chul thuak thuak renga, abawh huam huam a, aei lo chauh hi ani ber chutiang kar atanga talchhuah chu ka thianpa tan chuan
har tawh tak ani.

Hun leh ni aliam zel a, anute-i lo chu ngaihtuah tur dang aneilo hi ani ringawt tawh nitin zantin mai hian anutei
hming hi arilru ah ain thum rawn tluk tluk a, anun ah hian anute-i lo chu tumah dang hi an lenglo ani ber mai
engdang angaihtuah theilo, chaw a ei thei lova, sikul kal chakna reng aneilo, hna athawk peih lova atha hi azawi vek ani ber,
zan pawh mu thei lova siam tu chu anute-i bawk ani. Hmangaihna tak tak ah aluangliam hi ani ta ber mai, sikul kal tur chuan a
insiam ve a, a insiam phur thei khawp mai, mahse school kal chak vang anilo, anute-i nena
nilenga awm dun a chak tawh vang ani.

Tlai ahan nihte hian a rilru a lian ber chu zana anute-i hmuh vat vat ani.

Chutiang khawp a, ahmangaihna zawng zawng leh a rilru, ngaihtuahna zawng zawng anute-i tana a inpum
pek lai chuan a rilru thawng tak mai, thu azawng a thu ngaihthlak chakawm loh ber mai a hre ta thut
inutein pasal anei dawn tih hi ni, room ah atlan lut a atap a, a mah leh mah ain chum vak vak a,
tah pawh atap tha hlei theilo, a hnang a, a room bang a beng ri bur bur a, achhung te'n engatige ti a, a room
kawngkhar an rawn sawi vak vak pawn engtin mah a chhanglo, a tih ngaihna tak pawh an hre bik lo,
chutiang hlir chuan zantin chhun tin hian mi hriat loh hian a tuar tlawk tlawk thin ani.

E...lungngai reng reng suh hmeichhe pakhat chauh an awm hleinem kan tih te hian eng a ang thei chuanglo kan hnem zo lo ani
ber,hun a liam zela Krismas te tluang taka hmang zo in kumthar te kan chuang kai leh ta bawk a mitin mai chuan hunthar lo thleng chu
lawm in leh mahni hna te thawkin hlim takin nun bul an tan leh hlawm tawh a, ka thianpa nutei pawn pasal anei tawha, sawrkar hnathawk anibawka
an khawsa thei phian maia.

Mahse kan thianpa ve hi chu anutein pasal aneih atrangkhan ruihtheih thilah a tlan tan a, Zu,Ganja,Pv,P,etc tihloh a bar pawh aneilo hial awm e,
a inchiu a, inchiu tawh suh han ti ila han hau ve hrep ila, reilo te chu a'n tilo ve a, mahse
mahse a inchiu loh chhung khan zu leh Ganja ah ahma aia nasa zawkin atlan leh si, inchiu tawh lo mahse zu a in khan
a hma a ainchiu na vung chu a rawn ti vung zual zel bawk si Mi hmuh ah chuan inchiu reng angin alang lo theilo ani.

A nutei te chhungkua chu an rawn insawn a, ka thianpa te inbualah in anrawn sa ve a, tunah chuan ka thianpa leh a nutei te chu
inthenawm anlo nita, hun a rei tawlh2a an inkawp leh tawh tih thawm ka hre leh ta ahma ang tho kha ani anutei chuan
a bawh hian abawh leh huam huama anpa awm loh hlan hian an tawm dun thin ani, chutiang hlir a awm dun chu, anchhungte leh anutei pasal te pawn
hriat chhuah hun an lo nei a, a nute-i pasal nen pawh an insual phah fo reng ani, anutei pasal chuan ka thianpa thiam loh hlir ah apuh a annu chu
engtin mah atih pawh ka hre ngailo, chutiang hlir chu an zantin chhuntin tih dan ani, an ri bur bur a, naupang tap thawm nen patling in hrosa thawm nen nitin zantin mai
hian hriat tur hi a awmziah ani, chutiang anthleng nachhan chu a bul ber chu kei chuan a hmeichhia hi ka puh lo thei lo ani.

Chutiang reng a an awm chhoh naw naw lai chuan zankhat chu Zu kan in ho a, zan dang anglo takin kan thian ho chu min mangtha
mawlh mawlh maia, e...ngawiteh i rui anih kha kan tih pawhin ka rui lo ka rui miahlo a ti bawk si, kei phei chu ka haw dawn chuan ka banah mn vuan a
mn mangtha mawlh mawlh mai a, ka thian dangte pawhthen ngai khawpin ani min mangtha ni, a dik dawnlo tlat i rui dawn tlat hawh hawve nghal ang tih pahin kan thianpa
tho (hming sawilo mai teng) chuan akai haw lui ta a, 12 ah chuan kan kawngkhar a rawn ri dawt dawt a, ka va hawng chu ka thianpa bawk chu lo niin, zanin kha chu ka thiamloh a ni ka
lo rui hret ani tiha ngaihdam dil pah a, mn mangtha turin a rawn kal leh chu lo niin, haw tawh rawh i rui anih kha ka lo ti leh a, haw ta lo chuan kan thian dangte muhil lai pawh
lova kai thoin a lova mangtha vek ani.

Atuk zanah chuan keini ho chu zan danga kan tih thin dan bawkin thla eng lawmin tingtang nen kan zai leh a
zan dar 9 vel chuan ka thianpa chu a rawn kalve a, zan dang chu nise ka guitar perh lai chu aphihthla hlawk anga, Daduhi hla Turni pui thlang hliam tur saw ka han thlir a,
tih ngei kha a sa leh angchu, mahse hemi zan hi chuan tilo tak ani a thu ngawi reng a, zaive la kan tih pawn anuisuk ringawt a, kha guitar hi han perh ve reng reng tia ka tih luih tlat
hnuah chuan a perh ve hram daduhi hla pawh a sa ngei e, mahse A perh reilo mn pe leh thuai a, ka pum ana tlat mai tiin apum nat chu chhuanlam ah siamin mn haw san ta ani.

A tuk alo ni a, a nute-i chu hliampui a tuar nge ni, an rawn zawn chho luih luih mai a, damdawiin an pan pui dawn hi alo ni a, enga tige ni tia thu awmzia kan zawh chian chuan ka
thianpa chuan a nute-i chu alu-ah hian alo sat hi alo ni a, a kak hawk mai a, an sawi dan chuan a kutin alo indang a, chu chu nilo se chuan a sat hlum ang an ti ani, mahse a kut zung pui pawh
chu asat bung tho hi alo ni a, asatna hle a mahse achempui kha a lo bil ve hlauh a athilo mai niin ka hria, hmanhmawh takin ka thianpa te inlam ah chuan ka tlan thla nghal a,
khawge a awm ka thianpa hi ka zuk ti a, mipui an lo pung khawm nasa tawh hle, ka thianpa nu phei chu a tap atap mai a,
police te pawh anlo thleng tawh a.

Khawiah nge a aawm a asattupa chu, mipui zing atang chuan ram lam ah hian a tlanthla a atlan hla lo vang an lo ti a, a nute-i pasal chu an varandah ah chuan a inhrosa pung pung mai a
kum 10 pawh tlanbo rawh ka ngaidam ngailo angche a ti pung pung a, ka hmel hmuhah i rawn in lan hmasak ber hun chu i tih hun tih hria ang che te tiin ain hrosa vak vak mai a,
keini ho atam zawk chuan chu pa chu khawihchak melh hian kan melh niin ka hria, ka rilru ah chuan ka thianpa nun thianghlim tak kha ati chhe tu chu i nupui hur herh lutuk ani tih i hre lo ami ka ti char char

Ka thianpa chu zan hnih a lo haw tawh lo a, tlawmngaiin vengchhungin kan zawnga kan hmu zo lo a zan hnihna tuk chhun dar 12 bawr vel ah ankawmthlang tuikhur bulah inawkhlum in kan hmu ta ani.
A ruang lumen zana apa sawi dan chuan kan fapa hian a thitur hi a hre lawk nge ni, a ar vulhte thlengin amangtha vek a, vawikhat chu mei lum kan aiho lai hian tihian a ti a,
kapa ka kalna tur chu hei ai hian asa awm sia ati ani, tiin asawi athiante tan chuan riru nat thlak duh khawp amai,
tun thleng hian anute-i chu ala dam a, khanghun zawng zawng te kha theihnghilh tawh niawm fahran hian anui khek uarh uarh thin.

Ka thianpa thih atang khan zanah hian thla eng lawm hian vawikhat mah ka zai leh tawh ngailova, kan thian zingah pawh daduhi hla hian hriat ahlawh tawhlo hle mai,
khanghun daduhi hla sa a lenrual kim taka kan lunglenna kan hrikthlak laite kha a herchhuak tawh awm der silo.

Khawvelthim tak nieng mawi takin a achhuneng, mahse a chhungchu tawp tak si hmachhawn turin a rawn piangchhuak a, chhia lehtha ahriathma hauha, sualkawng zawhtir niin, ama duh reng vang pawh nilovin chu
sualkawng zawh tirtu vangbawk chuan a aia sual ruihhlo lamah atuan leh a, chu ruihhlo lama tuan tirtu vang bawk chuan
a mah leh amah ain ti hlum ta si. Lalpa pathian lo thlamuan angche ka thianpa kha a relsual si hringnun kal siam, duatten lo chawila i angchhungah, lenrual zawngte thinlai dam nan.

ka rilru tina bertu chu athla ahrang antih kha ani, hrang angchu engvangin nge ahran loh teh lul angni, tiangkhawp a fate hmangaih lo leh sualkawng dai tirtu nu hi rawn hran khum vak se nia ka tih,
ka lenna ah nupakhat hian a lo sawi a, hmanzan chu ka lenghaw mipakhat hi sawilai ah sawn alo thu a, a phone a khawiha a hmel ka va en a, a hmai aplain vek mai a, a phone ka en leh a avar vek a, engmah inziak
pawh a awmlo ahmet ahmet ve sia, ka hlau lutuk a ka kal pel vat a ka lehhawi leh chuan alo awm leh tawh miahlo, hmanni a inawk hlum kha apianphungah chuan ka tehkhin ber, kha pa kha ahrang an ti huai huai bawk sia ka hlau tak
tak ani alo ti a, ka rilru chuan thirimru tak hian A THLA AHRANG IN TIH KHA KA THIANPA NIH KHA AW ka ti sup a.

Detail: A THLA A HRANG IN TIH KHA KA THIANPA NIH KHA AW by Tma DaKop

0 KHAWNVARTUI HRANG by ClOud D XCaliber

Thawm mak tak tak hi chu atam a mahse he thawm hi chuan min ti tlan ve chiang alawm..NIkum July thla vel kha ani,kan college kalna khua-Lembucherra ah chuan zan leng turin kan chhuak leh ta a.Kan len luhna ber in (Mummy kan tih mai) chu kawngpui atanga pengin ngaw hmun kawng te reuh te kaltlang angai reuh a. Street light - awmloh vangin lighter eng thei hmangin kan kal mai thin.

Chumi zan ka leng tur kawng chanve vel ka thleng tih chuan ka hnung mai hnai lutuk atang chuan (mihring nge ransa pawh ka hrelo) thaw-pe hruk ang hian min rawn thawk khum alawm le.Ka phu chiang lutuk chu ka ding chawt ringawt a.Han tlanchhiat ngaihna pawh ka hrelo, ka lighter eng nen chuan thih-leh-thih tiin kan hawilet a engmah ka hmulo, ka sir vel ngaw thing hnaivai vel kan chhun kual pawn eng thawm mah chu ka hreta chuanglo a.Tichuan ngaih thalo tak chung chuan ka len tumna ah chuan chak mangkheng in ka tlan ta alawm le..

(A tawi zawngin) Mahni a chu ngaw han paltlang leh ka hreh avang chuan ka thiante min hruaitur in ka phone ta ringawt . A tuk zanah chuan mahni chuan ngam tawh heklo le ka thianpa nen fiah tumru deuh chungin luhlul kan chhuah a angaiah bawk chuan kan han leng leh a.Kan kal lamah chuan thawm engmah kan hrelo.Zan dar 9:30 vel ni taiin ka hria kan haw lam chu, ahma zawkah ka kala ka thianpan ka hnungchiah ah min zui a.Ahma zana thawm ka hriatna zawn kan thleng chiah tih chuan hmeichhe aw tih hairual loh hian ka hnunga ka thianpa kal nen kan inkar tak maiah chuan min rawn rum khum alawm le.Engtin nge kawngpui kan tlan thleng tak pawh ka hrelo.

Kawngpui kan thlena kan han hahchawlh deuh hnu chuan fiah ve ngei tha kan ti ta a,lighter engthei nen chuan kan ngaih thalo tak chung chuan kan chho leh ta a.Thui vaklo kan thlen chuan kan tawm hriatna thlang deuh mau hmunah chuan eng mak deuh mai hi kan hmu a kan pan ta a.Kan pan lai chuan chu eng chu angai rengah a awma mahse abul kan thlen chuan abo daih zuk nia.Kan han ding ren rawn a chutah le khawi atanga rawn chhuak nge pawh hriatloh khawnvartui rim hian kan awmna zawng zawng chu arawn khat ta. Ka thianpa chuan ‘thil pangailo a awm kalsawn vat ang’ atih avang chuan bakleng in kan tlan haw ta a.

A tuk lehah khua mipui thenkhat leh kan u ten ansawi chu- ahma Karin thawm kan hriatna hmunah khan ’nu pakhat khawnvartui hmangin a in halhlum’...

Detail: KHAWNVARTUI HRANG by ClOud D XCaliber

1 One more day with you.. by Mahruaii Kullai

Tuipui atanga thli lo kal chuan chu parda chu  a chhem phe lawp lawpa, chu parda, uk khek tawh, han en reng reng pawha  sukfai khat tih hriat reng  mai chu a leng  lawp lawp a,  in leh a chhehvel chu thenfai ngailoh tih hriat tak hian abal chuan a ti hlui em em a, a hun laia in ti mawi tura an bungraw lei khawm te chu a pawt hian a paw veka, chhuatah  hnahthel  ro te chu a khat tawkin alet alet a, thutkhawmna pindan ah chuan dawhkan bial pakhat leh thing thutthleng a in hunga, dawhkan ah chuan cigarette leh lighter chu a inchhawp a, a bul chiah ah glass no leh thlit mai theih tura a chnin hawnsa wine bur chu a inhung bawka, chu glass no chu kut hian a dawm ran a, meizial khu chu chunglamah a khu chho ngiai ngiai a, ngaihtuahna hmang nasa lutuk hmel pu hian chu dawhkan chu kil in amah chauh chuan thim thamah a thu a, ka rum leh nghet nghet thin a,zan lama a mut that loh vangin a mit te chu a sen rum a, a mit khur te chu laih belh chawp ni mai awm hi a ni ,a meng kun lap a, a khabehmul te lah  chu a truak bum a,  hlauh  tur zawng tan chuan hlauhawm tham hian a hmel chu a bum ro tawh tak zet mai.

khawvel hmasa a nei a ni tih leh ngaihtuah run tak a nei tih a hmel atang chuan a hmuhtheiha, a zan mang lamah chuan a khawvel hmasa te pawh alo hmu a ni mahna, no a a zu thlit in pah chuan, tukverh  lam chu a thlira, tuipui fawn in tui a chhek chhuai chhuai lai chu  thlir chungin, a khattawkin a hui pap pap reng a.

Kum 3 liamta ah khan a khawvel hmasa chu alo hmang zo tawha, a hmangaih,a Juliet-i, khawvel thil ropui dang ai pawha a thlan chu thlankhurah mittui nen alo vui liam tawh a, atana thil hlu, a neih zawng zawng ahmangaihna thinlung nen lama a pum pek ngei chuan chatuah atan mangtha a tih san tawha, khawvel lo la awm leh tura  in hmu leh turin alo thlahliam tawh kha a ni a. A zan mu te chu a mang lamah nen Sarah-i hmel leh zunzam chuan a la chenchilh reng ni tur a ni, a nupui hming lam chung chuan a rawn tre chhuak leh thrat thrat thin, mahse a han thranharh chuan a sinlai puan chu alo hmer khawm vek zel chauh mai si, beidawng takin a mutna ngaiah bawk chuan a zal leh mai thin a.

 theih nise nikhat tal pawh chelh a chak a ni, nikhat atan chauh pawh a duhtak-i chu han kawm leh a, a ngaihzia thu leh ala thlakhleh zia chu ahmangaihna thu zawng zawng nen hrilh mawlh mawlh a chak thin, nimahsela hun chuan a theihloh zia hriattir in, hun chuan an nunhlui te chu a liam pui tak vawn vawna. Aneih zawng zawng nen Sarah-i chu alo bel tawh a, atheih anga ropuiin inneih thu tiam alo chham pui tawha, ahmangaihna suihngheh nan a kut zungtrang ah chuan hmangaihna zungbun alo bun tir ve tawh kha a ni a, nimahse khang hunt e kha atan chuan nimin ralta ang lek an la ni si, tunah chuan thil engmah hi atan an hlu tawh lo, engmah in a ti hlim zo lo a, a tihlim thei tu ber asuangtuahna chauh chu, chutah pawh a ngen tam lo, nikhat chauh , a hmangaih kut vuana a hmangaih thu hrilh chauh a ni a duhthusam chu ni.

"Last night I had a crazy dream

A wish was granted just for me

It could be for anything

I didnt ask for money

Or a mansion in Malibu I simply wished, for one more day with you"

Sarah-i chu a hmel chu han en mai chuan tha hluak a ni bik hran lo, mipa tamtak te ngaihzawn rawn pawh a nilo, an awmna veng pakhata  hmeichhe pakhat ve mai a ni a, han hmachhuan tur leh han chapo puia, han inlak vel na tur pawh a nei hran lo, a awm ang ang chuan a nung tawpa, college te kalin mite tihdan ang tho in a hnu tam zawk zir nan a hmanga, alo Graduate hnu chuan Nashville lamah ei zawng turin a inchhung chu a chhuahsan ve ta.

A chenna in,mi luah khawm atan renga an sak chhawng chungber dawttu, chutah pawh a phel leh lam ah chuan zing ni chhuak  a thlir ve thin a ,khaw vel chu chulai hmun atang chuan alo hmangin a theih anga nasa in alo chen ve tawha, a damchhung hun hnuhnung lamah mipa, athlarau milpui a hmuh hnu phei chuan dam hlen turah a in ngai ve thin ngei ang chu.

 Bobby nen an intawn atanga a nundan danglam lutuk leh chutiang em a hlimna nasa chu atawngbua ang tih ngaihna a hre biklo, nimahsela an huntawn azir zel chuan an inher rema, mite ang tho chuan inthlahlel takin an inhmangaih thu an infah mawlh mawlha, an aia hlim thei awm turah an ngai bik tawp lo ang le.

Booby-a chuan nilenga a hna lam thil a thawh zawh hnu ah in lamah a nupui, khawvel ropuina dang aia athlan, hmiechhia azawnga a mithmuha mawi leh hleitling ber mai chu ngaihtuah chungin  hmanhmawh takin an in, tupui kama awm chu apan nal nal thin a, an inneih hma a an hlim teh reng nen, an inneih hnu pawh chuan an hlimna chu a zual telh telh emaw tih mai tur a ni, inhmuh thiamloh na leh in bakkaih deuh chang  awm ve thin mahse, tlawm zawkah a nupui chu trangin engkim mai chu tha takin a awmtir leh thiam tlat mai chu Bobby-a chuan Sarah-i a duhna pakhat a ni ve reng bawk a

 Pawn lama apasal thawm hria chuan kawngka lam pan in a Romeo chu ahan kuah thuak thuak a, a hmangaih thu a han hrilh hmasa te te a, chutah,a hna leh thildang ngaihtuah lai chawl vekin a nupui chu Bobby-a chuan a hmangaih zia an fah let mawlh mawlh a, lei ah hian hei aia hlu hi awm chuang dawn em ni le..?.Aw, hmangaihna...

"First thing I'd do, is pray for time to crawl

I'd unplug the telephone

And keep the tv off

I'd hold you every second Say a million I love you's                                                                                                                         Thats what I'd do, with one more day with you"

Tupui fawn chu a nasa hle mai, Bobby-a chuan a nupui kuta a buntir zungbun ngei mai chu a han lek chhuaka, nikhat tal pawh a bula awm leh athlakhlelh zia chu an’sawi sap a, tuipui leh thli te chuan a khawvel chu lo nuai bo sak tawh mahsela, ‘i rauthla tal rawn tir rawh’, ala ti ve trawk trawk tho.A hlimpui ber, a hmangaihna banpui chuan kirzai rello mahse a hmangaihna a dai silo.

A meizial khu pawh chunglam ah a chho riai riai a, a rilru pawh Sarah-i bulah a kal nal nal tawha, a zun  thlitsa pawh lem tumna em em neilo chuan a thu a, a melh ngai a melh renga, a nupui, a Juliet-i,  a khawvel kha  vawikhat atan chauh pawn tawn leh a chak a ni

One more day

One more time

One more sunset, maybe I'd be satisfied

But then again

I know what it would do Leave me wishing still, for one more day with you

Detail: One more day with you.. by Mahruaii Kullai