0 I che CHUKCHU ve ngai em ..??? by Hriata Chhangte

CHUKCHU nite.. a rawn lar thla ve chiah e.. Bangalore lamah pawh..a hmuhnawm mai bakah a ngaihthlak nuam hle ani...Sum neih tam hmaa chhungkaw hlim thei tak sum an han neih tam tak hnua buai ta nuaih , Mizo chhungkua te hi eng kan ti ta nge aw.. ka lo ti ve mai mai. Eng-Leuva nge kha, ( Dinpuia kha ka cousin anih ve ngat kha...Tyson street, Serchhip bazaar hnuai veng ngat ani.. veng hming tih vel chu bon raaap... hmanah chuan IOC veng, Serchhip ah hian Hotel California kan nei thrin bawk.. kan khua hi hming phhuah lamah chuan kan neu lo hle ani.. ha ha) khamite chhung phei kha chu .. khatia NLUP sum.. first installment a cheng sangthum ngawt an han hmu thut kha an chhungkua an kerh darh phah ta kha ania.. pawi ka lo tih pui hle mai.

Ani ngawt taka .. dik leh harsa taka thawh chhuah loh pawisa han hmuh thut hi kan lo zo lo vek ani.. engineer saap chhungkua an ni emaw thingtlang chhungkua anni emaw...kan chhiat pui tlangpui..Thlarau lam a khawih dan chu comment ngai lovah ngai ila... Taksa leh kan nitin nun a cancer chak chi anga a thawh dan mawlh hi....Heti chung hian .. kan ram hruaitute chuan NLUP sem dawn tih ngawt avanga kan tlin theih chuan sem nial nual tawh hnu phei chuan TLING leh chiangsa an tih thawm a awm lehnghal em ni ???...A sem a sem sum leh pai nilo, thawh chhuah ve zawk dan tur min kawh hmuh thei hlawm lawm ni.?? Sum min sem min sem chuan naupang lu chauh thrang.. mahni pawha ding thei lo tur tih chiang sa anga siam min tum tihna ka ti pawp. Sangha man sa nilovin sangha manna tur hmanrua.. infrastructure leh scheme thra kan mamawh zawk...

Ram dangah hi chuan sum leh pai ngah hi an chhiat pui ve lem lo niin a lang... Engati teh reng nge keini, MIZO-KRISTIAN te hian kan chhiat pui kan tih chuan.. DIK LO TAKA SUM LEH PAI lakluh anih vang ani.. Bellary, Karnataka ah pawh Reddy Brothers ..Minister rualte chuan dik lo taka an lo lak luh ve thrin avangin Jail chhungah an in dost- patti ve tak mai mai hi...Eiruk nilo, dik tak pawhin Chung Pathian hi chuan Millionaire/ Billionaire tih vel nih chu min phal niin a lang.. Helai velah pawh mi hausa chhungkaw hlim an awm nualin ka hmu tlat... Reddy Bros anga che CHUKCHU nilo, BIRLA/ TATA anga mite tan a malsawmna ni turin...go_mizoram_go