1 ENGTIN NGE KA TIH TAK ANG LE??? by Bk-a Chhangte

Chawhnu darkhat a ri chiah a, ka benga ka hriat tawh ata dar ri mawi ber pawh chu a tawp ve chiah a, Church Organ chu a ri nghal ruai ruai a, kei leh mipui chu ka ding rual thup a.. Ka hmangaih leh ka duh em em Zodinpuii chu a unaupa chuan a rawn kai lut dalh dalh a.. Hetiang ni ka tawng ve ta mai hi mumang ram pawh a ang ta rum rum mai.. Ka van hlim em!!

Ka ziah vek chuan a chhiartu tan a ninawm palh ange, ka kai tawi hlek hlek tawh mai ang.. 

Zodini nen hian kum 2 vel kan inzui a, kan induh em em a,mahse vawikhat pawh ka chetsual pui lova.. Dan puitling ngatin Biak In kan hawng a ni..

Innei ve ta chu a rai ta mai a.. Thla hnih velah a lang tran ta reng mai.. Mahse, a naupai a zo lo nge, a taksa chu a cher dak thung mai a.. Vitamin leh eitur tha chu ka phak ang tawk ka leisak a.. Amah hian doctor a in check up tak ngial pawh a duhlo a.. Mi duhlo tlat chu tih luih ka tum bik lo..

Kan intawn dan tlem sawi leh lawk ila, an khuaah zirtirtu in ka awm a, chuta tanga inchhar chu kan ni a.. A hmelthat em avangin ka duh em em a,kei a hminga sorkara thawk chu a chhungte lakah ka tla tlum em em a.. An tan chuan makpa sekibuhchhuak ka ni ve tlat..

Kan inneih atanga thlaruk a ral fel awrh tih chuan zan khat chu a pum a na thut a, nau a vei ta mai.. Arang arangin Hospital kan pan nghala,nau pawh a hring zui a.. Hmeichhia a hring a.. Mahse, ka hlim thei tlat lo.. Neih pangngaia neitur chuan a la hma lutuk..

Ka rilruah mak tihna leh hlauhthawnna tamtak a lo lut a.. Mutmu ka tuah thei lova, ka zawt dawt ngam si lo.. Ka duh em avangin a hmuhah chuan rilru hah hmel put loh ka tum hram hram a.. Thil harsa tak a ni..

Naute pawh thla 4 vel a lo ni ta a, ka in pui lamah zinthlakna hun rem chang tak a awm a, kan zin thla ta a.. Ka nun chu a hah telh telhah, Zodini chu rinhlelh kan tum viau pawhin ka phal si lo a ni..

Tumkhat chu ka rilru hah lutuk chuan Councellor ka rawn ta ringawt a, a ni chuan a solve na awlsam ber chu kei leh naute DNA test anih thu min hrilh a, ruahmanna fel tak siamin, naute Civilah in check up ka rawt a, tak chuan naute DNA en theihna tur chu an lo lakruk sak ta a..

April thla tawp lam a ni a, To haw tur a in pang aw zial mup mup lai chuan ka phone a rawn ri a.. DNA test result chu min hrilh ta.. Ka tliak hnawk a ni mai.. Zodini fa pawm hi ka fa a ni lo..

Zodinite nufa kan nu te bula an awm lai a ni hlauh a, ka mualpho lutuk tur pawh min hmutu an awm lova,ka insum duh bik lo..

Kan nupa khumah ka bawk thlawp a.. Ka rilru natna min hriatpui ni awm takin khawpui a ri dur dur a, thli a thaw vuk vuk bawk a.. Ka mittui hi dan rual ani lo.. Ka thinlung a rum a.. Ka hawina lam apiang chu a tawp vek a.. Ka chhungril hi a na vawng vawng a.. Harsat mangan ka tawh lai a min hnemtu ber khan midang fa a lo pai hi hriat thiam har ka van ti em!!

Thla avei meuh chuan ka tla kawk hman a, ka tih ngaihloh zu ka in ta bawk a, mahse, ka rilru chhung na chu areh chuang lo..

Zodinite nufa pawh an lo hawng ve ta a.. Zankhat chu ka rui deuh bawk a, engkim zawh tlang ka tum ta a, mut hmunah chuan ka zawt ta a, engkim ka thil tih dan zawng zawng leh DNA test thlengin ka sawi vek a, a mittui a dir nghal zung zung mai.. A chhan ka zawta tihian min chhang ta a..

" Upui, tlang takin zep awm miah lovin ka sawi ang, a ngaihthlak dan i thiam dawn nia.."

" ka tleirawl chhuah atang hian mipa khat tan ka rinawm tlat a, rei tak kan inzui a,mahse kan chesual ngailo.. Kum te a lo upa chho zel a, pasal neih ka lo hun ve ta a,mahse, chu ka bialpa chu ka chhungten an duh lova, a chhan pawh an retheih em vang a ni a, hetia nang ilo lan ak a,min duh tih ka chhungten an hriat khan min nawrlui nasa lutuk a, kut hial pawh min thlak asin".. A mittui a hru mawlh mawlh a,a sawi zawm zel a..

"mahse, mipakhat tana rinawm tlat ka tum a, keini kan rethei ve bawk si.. Ka nu leh pate hmakhua ka ngaive tho a, rilru dang ka nei ta a, ka thianghlimna hi ka hmangaih hnenah ka hlan ang a, ka nu leh pa ka hmangaih avangin nang ka nei ang che ti in, heti hi kan ni ta anih hi.." Engmah asawi zawm thei tawhlo..

Kei pawn sawi tur ka hre lova, ka mittui aluang a.. Kei chuan Zodini hi ka hmangaih em em a, DNAah naute nen kan inmillo tih ka hriat hnuah pawh ka then mai lohna chhan chu KA HMANGAIH VANG ANI.. Mahse, a ni chuan min hmangaihlo..

ENGTIN NGE KA TIH TAK ANG LE??